ՏԵՍԱՆՅՈՒԹ․ Ռուբեն Վարդանյանը և ևս 7 պաշտոնյա Արցախի նախագահին ինչ-որ բան են պարտադրում. Քոչարյան

Արցախում կան անտեսանելի խաղացողներ, որոնք այլ խնդիրներ են լուծում։ Այս մասին այսօր՝ օգոստոսի 29-ին, լրագրողների հետ զրույցում ասաց ԱԺ պաշտպանության և անվտանգության հարցերի մշտական հանձնաժողովի անդամ, ՔՊ-ական պատգամավոր Անդրանիկ Քոչարյանը։

«Ռուբեն Վարդանյանը հայտնագործություն է արել՝ հայտարարելով, որ Արցախում ստվերային գործունեությամբ զբաղվող մարդիկ կան։ 

Արցախում ութ հոգի ինչ-որ բան է պարտադրում Արցախի նախագահին։ Նրանցից մեկը Ռուբեն Վարդանյանն է։ Ո՞ւմ է ներկայացնում Ռուբեն Վարդանյանը։ Նրա գործունեությունն անհասկանալի է։

Եվ ովքե՞ր են այդ մնացած մարդիկ։ Տրոյական ձիե՞ր են, որոնք ուզում են, որ անկայունությունն Արցախից տեղափոխվի Հայաստան։

Արցախն իր անառիկությունը պետք է ձեռք բերի նաև պետական ինստիտուտների համակարգի միջոցով, որտեղ Արցախի ընտրված նախագահն ունի գործառույթներ»,- ասաց Քոչարյանը։