Պուտինը չի մասնակցի Պրիգոժինի հուղարկավորությանը․ Պեսկով
ՌԴ նախագահ Վլադիմիր Պուտինը չի մասնակցի «Վագներ» ՊՄԿ ընկերության հիմնադիր Եվգենի Պրիգոժինի հուղարկավորությանը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում են ռուսական լրատվամիջոցները։
«Նախագահի ներկայությունը ապահովված չէ։ Կոնկրետ թաղման մասին տեղեկություն չունենք։ Այդուհանդերձ, որոշումը կայացնում են հարազատներն ու ընկերները։ Առանց նրանց այստեղ ոչինչ չենք կարող ասել»,- ասել է նա:
Հավելենք, որ այսօր Սանկտ Պետերբուրգում սկսվել է Տվերի մարզում ավիավթարի հետևանքով զոհված վագներականների հուղարկավորության արարողությունը։
Հիեցնենք՝ օգոստոսի 23-ին Տվերի մարզում վթարի է ենթարկվել Եվգենի Պրիգոժինի անձնական ինքնաթիռը։ «Վագներ» ՊՄԿ–ի հիմնադիրը եղել է Ռոսավիացիայի հրապարակած ուղեւորների ցուցակում։ Պրիգոժինի մահը պաշտոնապես հաստատվել է ՌԴ ՔԿ-ի կողմից։ Զոհվել է տասը մարդ, այդ թվում՝ անձնակազմի երեք անդամ:
