Երբ կավարտվեն Ուկրաինայի անվտանգության երաշխիքների շուրջ բանակցությունները

Ուկրաինային G7 երկրների երկկողմ երաշխիքների վերաբերյալ համաձայնագրերի կնքումը կավարտվի ոչ շուտ, քան հաջորդ տարի, բանակցությունները միայն սկսվել են ԱՄՆ-ի և Մեծ Բրիտանիայի հետ։ Այս մասին հայտնում է The Wall Street Journal-ը (WSJ)՝ հղում անելով աղբյուրներին։

Փարիզը առաջիկա մի քանի շաբաթվա ընթացքում ծրագրում է Կիևի հետ բանակցությունների առաջին փուլն անցկացնել երկկողմ երաշխիքների շուրջ․ գրում է թերթը՝ վկայակոչելով ֆրանսիացի անանուն պաշտոնյային։ 

Բեռլինը դեռևս աշխատում է այն հարցի շուրջ, թե ինչպիսի օգնություն կարող է տրամադրել Կիևին։ Պարբերականը տեղեկատվություն չի տրամադրում G7-ի մյուս երկրների երկկողմ երաշխիքների շուրջ բանակցությունների պլանների մասին։