Ռուս զբոսաշրջիկը մահացել է Էլբրուս բարձրանալիս․ նա ընկել է 5000 մետր բարձրությունից
Կրասնոդարցի զբոսաշրջիկը մահացել է Էլբրուս բարձրանալու ժամանակ 5000 մետր բարձրությունից ընկելու հետևանքով։ Այս մասին հայտնում է ՌԻԱ Նովոստին։
Նշվում է, որ տղամարդը ստացել է կյանքի հետ անհամատեղելի վնասվածքներ։ Փրկարարները հանգուցյալի դին տարհանել են կոմերցիոն ուղղաթիռով և հանձնել քննչական մարմիններին։
Նա եղել է 14 հոգանոց խմբի մեջ։ Դեպքի պատճառներն ու հանգամանքները պարզվում են։ Գործակալության տվյալներով՝ աշխատանքներին ներգրավվել են ՌԴ ԱԻՆ 24 փրկարարներ, 3 միավոր տեխնիկա, ինչպես նաև կոմերցիոն ուղղաթիռ։
Հավելենք, որ խմբի մնացած անդամները չեն տուժել և բարեհաջող իջել են Էլբրուսից։
