ՏԵՍԱՆՅՈՒԹ․ ՉԺՀ նախագահի օգնականին թույլ չեն տվել ուղեկցել նախագահին նիստերի դահլիճ․ BRICS-ի գագաթնաժողով

BRICS-ի գագաթնաժողովում ՉԺՀ նախագահ Սի Ծինպինի օգնականին թույլ չեն տվել ուղեկցել նախագահին նիստերի դահլիճ մուտք գործելիս։ Ինչպես երևում է տեսանյութում օգնականին պահում են և փակում դռները։ 

Հավելենք, որ ՉԺՀ Նախագահ Սի Ցզինպինը գագաթնաժողովում իր ելույթի ժամանակ նշել է․ 

«Մենք հավաքվել ենք այն ժամանակ, երբ աշխարհը վերաձևակերպում է ապրում։ Սա տուրբուլենտության և տրանսֆորմացիայի շրջան է»։

Նրա խոսքով՝ պետությունները պետք է միասին աշխատեն մատակարարման շղթաների վերականգնման և զարգացման ուղղությամբ, ինչպես նաև հաղթահարեն խափանումները, ընդլայնեն տնտեսական, առևտրային և ֆինանսական փոխանակումները: 

«BRICS-ը պետք է ամրապնդի ռազմավարական գործընկերությունը և աջակցի միմյանց առանցքային հարցերի շուրջ, որոնք ներկայացնում են երկրների ընդհանուր հետաքրքրությունը»,-ասել է նա:

Նշենք նաև, որ Չինաստանի առաջնորդ Սի Ցզինպինն անսպասելիորեն բաց է թողել Հարավաֆրիկյան Հանրապետությունում անցկացվող BRICS-ի բիզնես ֆորումը՝ իր փոխարեն ուղարկելով երկրի առևտրի նախարարին։ Վերջինս նրա անունից ելույթ է ունեցել՝ դատապարտելով «ԱՄՆ հեգեմոնիան», գրել է BBC-ի ռուսական ծառայությունը:

Հիշեցնենք, որ երեկ Յոհանեսբուրգում (Հարավային Աֆրիկա) մեկնարկած BRICS-ի գագաթնաժողովին ներկա են գտնվել աշխարհի ավելի քան 40 երկրների ներկայացուցիչներ: