Ռուսաստանի կազմի մեջ մտնել ոչ ոք չի ցանկանում․ Աբխազական կողմը մեկնաբանել է Մեդվեդևի հայտարարությունը
Աբխազիան կողմ է Ռուսաստանի հետ սերտ և դաշնակցային հարաբերություններին, բայց միևնույն ժամանակ հանրապետությունում չկան ուժեր, որոնք կհայտարարեն Ռուսաստանին միանալու իրենց ցանկության մասին․ Աբխազիայի անվտանգության խորհրդի քարտուղար Սերգեյ Շամբան այսպես է մեկնաբանել ՌԴ անվտանգության խորհրդի ղեկավարի տեղակալ Դմիտրի Մեդվեդևի հայտարարությունները։
Ավելի վաղ Մեդվեդևը aif.ru կայքում հրապարակված հոդվածում նշել էր, որ Ռուսաստանին միանալու գաղափարը դեռ տարածված է Աբխազիայում և Հարավային Օսիայում, «և այն կարող է իրականացվել, եթե դրա համար լավ առիթ լինի»։
