ՏԵՍԱՆՅՈՒԹ․ Ջրհեղեղների պատճառով Ֆրանկֆուրտի օդանավակայանում մոտ 70 չվերթ է չեղարկվել
Գերմանիայի Ֆրանկֆուրտի օդանավակայանը երեկ՝ օգոստոսի 16-ի երեկոյան երկու ժամով կաթվածահար է եղել հորդառատ անձրևի պատճառով: Այս մասին հայտնում են տեղի լրատվամիջոցները։
Թռիչքուղու մի մասը ջրի տակ է անցել, որի պատճառով մոտ 70 չվերթ է չեղարկվել։ Ինքնաթիռները չեն կարողացել օդ բարձրանալ, իսկ վայրէջք կատարած ուղևորները չեն կարողացել իջնել ինքնաթիռից։
Ջրհեղեղների հետևանքով կարճ ժամանակում հեղեղվել են փողոցներ, նկուղներ և տների ստորին հարկեր։ Լրատվամիջոցների տեղեկություններով՝ ամպրոպները տարածաշրջանում էլեկտրաէներգիայի հետ կապված խնդիրներ են առաջացրել։
