ՀԴԲ–ի նախկին գործակալն աշխատել է հօգուտ ռուս գործարարի. Bloomberg

ԱՄՆ Հետաքննությունների դաշնային բյուրոյի նախկին գործակալ Չարլզ Մակգոնիգալը դատարանում խոստովանել է, որ աշխատել է ռուս գործարար Օլեգ Դերիպասկայի համար։ Այս մասին հայտնում է Bloomberg-ը։ 

Մակգոնիգալը ՀԴԲ-ի Նյու Յորքի գրասենյակի հակահետախուզության ղեկավարն էր մինչև 2018 թվականին թոշակի անցնելը: Դատարանում նա խոստովանել է, որ 2021 թվականի գարնանից մինչև աշուն ծառայություններ է մատուցել Դերիպասկայի համար՝ մասնավոր հետաքննություն անցկացնելով մրցակից ռուս գործարարի դեմ։ 

Reuters-ի փոխանցմամբ՝ խոսքը Վլադիմիր Պոտանինի մասին է։ Ենթադրվում է, որ հետաքննությունն ուղղված է եղել Պոտանինին ԱՄՆ պատժամիջոցների ցուցակում ներառելուն։ Իր ծառայությունների համար, ըստ մեղադրող կողմի, Մակգոնիգալը ստացել է 17,5 հազար դոլար։