Նիգերում մեծացել է ռուսական դրոշների պահանջարկը. Արևմուտքը մտահոգված է Աֆրիկայում ռուսամետ տրամադրությունների աճով

Ռազմական հեղաշրջումից հետո Նիգերում ռուսական դրոշների պահանջարկն աճել է, հայտնում է Reuters-ը։

Հրատարակությունը գրում է, որ Արևմտյան Աֆրիկայում հակաֆրանսիական տրամադրությունների աճին զուգահեռ աճում են ռուսամետ տրամադրությունները։

Սա ուղեկցվում է Արեւմտյան Աֆրիկայի այլ երկրներում վերջին ռազմական հեղաշրջումներից հետո ռուսամետության աճի նմանատիպ դրսեւորումներով, ինչն անհանգստություն է առաջացնում Արեւմուտքում։

Հաղորդվում է, որ տարածված են եղել նաև Բուրկինա Ֆասոյի, Գվինեայի և Մալիի դրոշները, որտեղ նույնպես 2020 թվականից ռազմական հեղաշրջումներ են տեղի ունեցել։