Էրդողանը մտադիր է վերսկսել հացահատիկի գործարքը «ընդլայնված» ձևաչափով

Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է վերսկսել հացահատիկի գործարքը «ընդլայնված» ձևաչափով: 

Նա նաև կոչ է արել արևմտյան երկրներին օգնել այդ համաձայնագիրը վերածել ՌԴ-ի և Ուկրաինայի միջև խաղաղ պայմանավորվածությունների հիմքի: Այս մասին գրում Է Bloomberg-ը: 

Էրդողանը նշել է, որ «ընդլայնված» ձևաչափով գործարքի վերսկսման համար շփումները շարունակվում են, սակայն դրա իրականացումը կախված է նրանից, թե «արդյոք արևմտյան երկրները կկատարեն իրենց խոստումները»:

Թուրքիայի նախագահը չի հստակեցրել, թե որոնք են այդ ձևաչափն ու պայմանները։

Հիշեցնենք, որ ՌԴ իշխանությունները հացահատիկի գործարքից դուրս են եկել հուլիսի 17-ին՝ հայտարարելով, որ Ռուսաստանից պարարտանյութերի հեշտացված արտահանման հետ կապված պայմանավորվածությունների մի մասը չի կատարվել: