ԱՄՆ-ը թույլատրեց․ ուկրաինացի օդաչուները կսովորեն՝ ինչպես կառավարեն F-16-ը
ԱՄՆ նախագահ Ջո Բայդենը թույլտվություն է տվել ուկրաինացի օդաչուներին ուսուցանել F-16 կործանիչների կառավարումը։ Այս մասին հայտարարել է Պենտագոնի մամուլի քարտուղարի տեղակալ Սաբրինա Սինգհը։
Ըստ նրա, Դանիան և Նիդեռլանդները առաջատար դեր կխաղան ուսուցման գործում, գրում է Ամերիկայի ձայնը։
Հուլիսին Politico-ն հայտնել էր, որ 11 երկրներից բաղկացած կոալիցիան՝ Դանիայի և Նիդեռլանդների գլխավորությամբ, պատրաստ է սկսել ուկրաինացի օդաչուներին F-16-ի կառավարման ուսուցումը, սակայն չի կարող դա անել առանց ԱՄՆ-ի պաշտոնական թույլտվության:
Միևնույն ժամանակ, ըստ հրապարակման, ուկրաինացի զինվորականների պատրաստմանն աջակցող 11 պետություններից և ոչ մեկը դեռ ինքնաթիռներ չի հատկացրել այս ծրագրի համար։
Հիմնական մանրամասները, ներառյալ դասընթացի ժամկետները, վայրը և տևողությունը, դեռևս մշակվում են, հայտնում է Սպիտակ տունը:
