Ադրբեջանը սովն օգտագործում է որպես զենք, որպես քաղաքական գործիք՝ Լեռնային Ղարաբաղի ժողովրդի դեմ․ Էդմոն Մարուքյան
Հայաստանի հատուկ հանձնարարություններով դեսպան Էդմոն Մարուքյանը «Թվիթերի» իր միկրոբլոգում գրել է․
«Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը ֆրանսիական Le Monde թերթին տված հարցազրույցում խոստովանել է, որ Ադրբեջանը փակել է Լաչինի միջանցքը և սովն օգտագործում է որպես զենք, որպես քաղաքական գործիք՝ Լեռնային Ղարաբաղի ժողովրդի դեմ։
Մենք վերահաստատում ենք մեր պահանջը, որ Ադրբեջանը պետք է դադարեցնի սովը որպես քաղաքական գործիք օգտագործել Լեռնային Ղարաբաղի ժողովրդի դեմ՝ ստիպելու նրանց ընդունել իրենց «պայմանները», ինչը հանցագործություն է մարդկության դեմ»։
