«Մեզ բաժին հասած թշնամին մեզ հետ այլևս բաց խաղաքարտերով է խաղում». Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրում է․ «Արցախը մեր ինքնությունն է, մեր ԵՍ-ն է։ 
Արցախը վաղուց դադարել է մեզ համար տարածք լինելուց, այն մեր պատիվն է, մեր ուժն է, մեր միտքն է, մեր գաղափարն է։ 
Արցախը պահելու համար դժվարություններին իսկապես դիմանալ է պետք, զրկանքները տանել է պետք, ժամանակը ոչ թե իրար հայհոյելու վրա ծախսել է պետք, այլ պարզապես ուժեղանալու վրա ծախսել է պետք․․․ 
Արցախը յուրքանչյուր ՀԱՅԻ պատիվն է։ Մեզ բաժին հասած թշնամին մեզ հետ այլևս բաց խաղաքարտերով է խաղում, որքան էլ ասի, թե խաղն ավարտված է, միևնույն է , խաղը շարունակվում է և այն կարող է հենց մեր օգտին ավարտվի։ Միայն թե մենք միասնությունը, միաբանությունը չստորադասենք կուսակցությանը, թայֆայությանը, առևտրականի հոգեբանությանը»: