Վաշինգտոնը Թայվանի համար նախապատրաստում է Ուկրաինայի ճակատագիրը․ Վոլոդին

Վաշինգտոնը նախապատրաստում է Ուկրաինայի ճակատագիրը Թայվանի համար, ԱՄՆ նախագահ Ջո Բայդենին անհրաժեշտ է Թայվանի շուրջ հակամարտությունը՝ ընտրողներին Միացյալ Նահանգների ներքին խնդիրներից շեղելու համար։ Այս մասին թելեգրամյան իր ալիքում ասել է Պետդումայի խոսնակ Վյաչեսլավ Վոլոդինը, հայտնում է Ռիա Նովոստին։

«Վաշինգտոնը նախապատրաստում է Թայվանին Ուկրաինայի ճակատագրին… Թայվանի շուրջ հակամարտությունն անհրաժեշտ է խելքը կորցրած Բայդենին՝ ընտրողների ուշադրությունը Միացյալ Նահանգների ներքին խնդիրներից շեղելու համար»,- գրել է Վոլոդինը։

Վոլոդինը պարզաբանել է, որ Բայդենը սխալվում է. «նա մտադիր է Թայվանի համար զենք գնել Ուկրաինային հատկացված միջոցներից»։

Պետդումայի խոսնակն ընդգծել է, որ Կիևի ռեժիմը չարդարացրեց Վաշինգտոնի սպասելիքները, և ԱՄՆ-ը փրկություն է փնտրում նոր հակամարտությունում։