Գերմանիայի պաշտպանության նախարար Բորիս Պիստորիուսը կրկին դեմ է արտահայտվել Ուկրաինային Taurus հեռահար թևավոր հրթիռների մատակարարմանը։ Այս մասին գրում է News.ru-ն՝ վկայակոչելով ТАСС-ին։ 

Սրան զուգահեռ նա չի բացառել, որ ապագայում Բեռլինը կարող է պահանջվող զենք տրամադրել Կիևին։

«Մենք շարունակում ենք մնալ այն կարծիքին, որ այս պահին դա մեր հիմնական առաջնահերթությունը չէ։ Մենք միակը չենք, որ զենք չենք մատակարարում Ուկրաինային: Մեր ամերիկացի գործընկերները նույնպես տվյալ հրթիռները  չեն մատակարարում» , - հայտարարել է Պիստորիուսը։

Ավելի վաղ Պիստորիուսը հայտարարել էր, որ Գերմանիան մտադիր չէ Ուկրաինային թևավոր հրթիռներ մատակարարել: Նրա խոսքով՝ Գերմանիան շարունակում է մնալ Կիևին սպառազինության գլխավոր մատակարարներից մեկը։

Նախարարը նշել է, որ Ուկրաինայի հակաօդային պաշտպանությունն «անհնար կլիներ» առանց Գերմանիայի օգնության:

Գերմանիայում Ռուսաստանի դեսպան Սերգեյ Նեչաևը հայտարարել էր, որ շարունակելով ռազմական օգնություն ցուցաբերել Ուկրաինային ՝ Գերմանիան արդեն բազմիցս հատել է կարմիր գծերը: