Ալիևը Հայաստանի հետ արդյունքների արագ ձեռքբերման հույս ունի

Ադրբեջանի նախագահ Իլհամ Ալիևը ԱՄՆ պետքարտուղարի Հարավային Կովկասում բանակցությունների գծով ավագ խորհրդական Լուիս Բոնոյի հետ հանդիպմանը հայտարարել է Հայաստանի հետ խաղաղ գործընթացը շարունակելու ադրբեջանական կողմի վճռականության մասին։ 

Ալիեւը հույս է հայտնել, որ մոտ ապագայում բանակցությունների ընթացքում քննարկված հիմնական ուղղություններում արդյունքներ ձեռք կբերվեն։ 

Ադրբեջանական լրատվամիջոցների հաղորդմամբ,՝ Բաքվում կայացած հանդիպմանը կողմերը քննարկել են Ադրբեջանի և Հայաստանի միջև հարաբերությունների կարգավորումը և խաղաղության պայմանագրի շուրջ բանակցային գործընթացը։ 

Հանդիպման ընթացքում Ադրբեջանի նախագահը շարունակել է մտքեր փոխանակել ԱՄՆ պետքարտուղար Էնթոնի Բլինքենի հետ վերջերս կայացած հեռախոսազրույցի ընթացքում բարձրացված հարցերի շուրջ։