Ինչո՞ւ Մեքսիկայի նախագահը կհրաժարվի մասնակցել Ուկրաինայի հարցով բանակցություններին

Մեքսիկայի նախագահը հայտարարել է, որ կհրաժարվի մասնակցել Ուկրաինայի հարցով բանակցություններին՝ առանց Ռուսաստանի մասնակցության:

«Մեքսիկան պատրաստ է մասնակցել Սաուդյան Արաբիայի կողմից Ջիդդաում կայանալիք Ուկրաինայի հարցով բանակցություններին միայն այն դեպքում, եթե մասնակցեն հակամարտության երկու կողմերը», - ասել է նախագահ Անդրես Մանուել Լոպես Օբրադորը։

Նա հավելել է․ «Եթե և՛ Ուկրաինան, և՛ Ռուսաստանը համաձայնեն լուծում փնտրել խաղաղության հասնելու համար, մենք կմասնակցենք»։

Հիշեցնենք՝ ավելի վաղ հայտնել էինք, որ Սաուդյան Արաբիան ցանկանում է օգոստոսին Ուկրաինայի հարցով խաղաղ բանակցություններ անցկացնել՝  հրավիրելով մոտ 30 երկրների  ներկայացուցիչների։