Ուսանողները փակել են ԿԽՄԿ հայաստանյան գրասենյակի մուտքը․ վանկարկում են «Ազատություն Վագիֆ Խաչատրյանին»

ՀՀ տարբեր բուհերի տասնյակ ուսանողներ այսօր վաղ առավոտից փակել են Կարմիր խաչի միջազգային կոմիտեի հայաստանյան գրասենյակի մուտքը:

ԿԽՄԿ հայաստանյան գրասենյակի մոտ հավաքված ուսանողները վանկարկում են «Ազատություն Վագիֆ Խաչատրյանին» և պահանջում հանդիպում կառույցի ղեկավարության հետ:

Հիշեցնենք՝ ավելի վաղ հայտնել ենք, որ Արցախից Հայաստան տեղափոխվող բուժառուներից մեկին` Վագիֆ Խաչատրյանին, հուլիսի 29–ին առևանգել են Ադրբեջանի սահմանապահ ծառայության ներկայացուցիչները։ Ադրբեջանի գլխավոր դատախազությունը հայտարարել է, որ նա ձերբակալվել է։ Վագիֆ Խաչատրյանը, ըստ մեղադրանքի, իբր հանցավոր խումբ է ստեղծել, որը 1991թ. դեկտեմբերի 21-ին մասնակցել է Խոջալուի շրջանի Մեշալի գյուղի բնակիչների դեմ հանցագործություններին։

[aa7fe4fe320943dc976629c802a73111.jpg]

[63cb295d6bb2d226608228f8248db405.jpg]

[8bbc46b301760f407e1085d9b2568d0a.jpg]

[ff06689ab91205452d876a536f952a60.jpg]