Ինչո՞ւ է մշակույթի նախարարությունն աշխատակիցներին արգելել օգտվել Apple-ի սարքավորումներից․ ՌԴ

Ռուսաստանի մշակույթի նախարարությունն իր աշխատակիցներին արգելել է օգտագործել Apple ընկերության տեխնիկան։ Այս մասին գրել է «Осторожно, новости» թելագրամյան ալիքը՝ իր աղբյուրներին հղումով։

«Մշակույթի նախարարությունը աշխատակիցներին արգելել է օգտվել Apple-ի սարքավորումներից։ Այս հրամանը նախարարության էլեկտրոնային փաստաթղթերի կառավարման համակարգում հայտնվել է նախորդ շաբաթ։ Շուտով այն պետք է ստորագրության համար հանձնվի աշխատակիցներին»,- գրել են տելեգրամյան ալիքում, փոխանցում է Ura.ru-ն։

Միաժամանակ, ռուսական լրատվամիջոցները, վկայակոչելով աղբյուրին, նշում են, որ նախարարության պաշտոնյաները դժգոհ են նման սահմանափակումից։ 

«Արգելքի պատճառով բոլոր կոնտակտները պետք է տեղափոխվեն այլ սարքեր, ծառայողական հեռախոս ոչ մեկին չի տրվի, ուստի այժմ աշխատակիցները մտահոգված են նոր սարք գնելով», - գրում է ալիքը։

URA.RU-ն հարցում է ուղարկել ՌԴ մշակույթի նախարարություն՝ տեղեկությունը ճշտելու համար։ Առայժմ արձագանք չկա։

Ավելի վաղ ՌԴ ԱԴԾ-ն հայտնել էր, որ ԱՄՆ հետախուզական ծառայությունները լրտեսում են Apple սարքերի օգտատերերին։ Գերատեսչության տվյալներով՝ գաջեթները վարակված են վնասակար ծրագրերի ապահովմամբ։ Հենց այդ պատճառով ՌԴ արդյունաբերության և առևտրի նախարարության աշխատակիցներին արգելվել է օգտագործել ամերիկյան ընկերության սարքերը։ 

[67587a5ccb44afc998b8e767b44b0d5c.jpg]