Նիգերում զինվորականներն արգելափակել են երկրի նախագահի գրասենյակը․ Africanews
Նիգերի նախագահական գվարդիայի մի խումբ զինվորականներ երկրի մայրաքաղաք Նիամեյում արգելափակել են այն շենքը, որտեղ գտնվում է պետության ղեկավարի՝ Մոհամեդ Բազումի գրասենյակը։ Այս մասին հաղորդում է Africanews-ը։
Հաղորդվում է, որ դեռևս պարզ չէ, թե ինչու են նրանք արգելափակել նախագահի գրասենյանը։ Արգելափակվել է նաև բնակելի գոտին։
Africanews-ը վկայակոչելով Agence France-Presse-ին գրում է, որ մայրաքաղաքի շրջանում, որտեղ գտնվում է նախագահի նստավայրը, ռազմական տեխնիկա չկա։ Քաղաքում հրաձգության ձայն չի լսվել, նշել է գործակալությունը։
Միևնույն ժամանակ, մեկ այլ աղբյուր, որը մոտ է նախագահին, հավաստիացրել է, որ Բազումը «ողջ և առողջ է», Հիմա «բանակցություններ է վարում» զինվորականների հետ։
