Ռուսաստանի պաշտպանության նախարար Սերգեյ Շոյգուի գլխավորած ռազմական պատվիրակությունը ժամանել է Կորեայի Ժողովրդադեմոկրատական ​​Հանրապետություն, հայտնել է ՌԴ պաշտպանության նախարարությունը։ 

Ինչպես նշել են գերատեսչությունում, ինքնաթիռը ժամանել է Սունան միջազգային օդանավակայան (Փհենյանի արվարձան): 

Նշվում է, որ պատվիրակությունը կմասնակցի հանդիսավոր միջոցառումների՝ «նվիրված 1950-1953 թվականների Հայրենական ազատամարտում կորեացի ժողովրդի հաղթանակի 70-ամյակին»։ 

«Այս այցը կնպաստի ռուս-հյուսիսկորեական ռազմական կապերի ամրապնդմանը և կարևոր փուլ կդառնա երկու երկրների միջև համագործակցության զարգացման գործում»,- ընդգծել են ՌԴ ՊՆ-ում։ 

Ավելի վաղ ՌԴ ռազմական գերատեսչությունը հայտնել էր, որ Շոյգուն հյուսիսկորեական կողմի հրավերով հուլիսի 25-27-ը կայցելի Հյուսիսային Կորեա։