ՏԵՍԱՆՅՈՒԹ․ Ընտանիքի անդամները փոքրիկ երեխային պատահաբար մոռացել են մեքենայի մեջ․ օգնության են հասել անցորդները
Համացանցում ԱՄՆ Տեխաս նահանգից տեսանյութ է տարածվում, որում երևում է, թե ինչպես է մի տղամարդ մուրճով կոտրում կայանատեղիներից մեկում գտնվող մեքենայի ապակին։ Լրատվամիջոցները վերահրապարակել են տեսակադրերը և ներկայացրել, թե ինչու է տղամարդը նման քայլի դիմել։ Պարզվում է, որ այսօր՝ հուլսի 24-ին, ընտանիքի անդամները փոքրիկ երեխային պատահաբար մոռացել են մեքենայի մեջ, փակել դուռն ու հեռացել։
Fox News-ը նշում է, որ պատահաբար այդ հատվածով անցնող անցորդները լսել են երեխայի ձայնը, տեսել, որ այդ շոգ եղանակին փակված է մեքենայի մեջ և որոշել փրկել նրան։ Այս տեսանյութը նկարահանած անցորդը լրատվամիջոցներին պատմել է, որ մի կին կոտրված դիմապակու մեջով անցել է մեքենայի մեջ, դուրս հանել փոքրիկին։ Դեռևս պարզ չէ, թե երեխան որքան ժամանակ է մնացել մեքենայում։
