Արցախին օգնելու իմ ֆունկցիան այն է, որ գործս լավ եմ անում․ Քերոբյան
Արցախին օգնելու իմ ֆունկցիան այն է, որ գործս լավ եմ անում և ՀՀ-ն բարձր տնտեսական աճ ունի։ Այս մասին լրագրողների հետ զրույցում ասել է ՀՀ էկոնոմիկայի նախարար Վահան Քերոբյանը։
Լրագրողի այն հարցին, թե արդյոք արցախցի գործընկերների հետ կապի մեջ է և ի՞նչ տվյալներ կան սննդի պաշարների հետ կապված Քերոբյանը պատսախանել է․
«Ես կապի մեջ եմ իմ արցախցի ընկերների և երբեմն էլ գործընկերների հետ։ Մեր ֆունկցիան մենք տեսնում ենք մեր գործը մաքսիմալ լավ կատարելով և դուք տեսնում եք, որ մեր տնտեսական աճը աշխարհում ամենաբարձրերից է»։
Կոնկրետացնելով հարցի պատասխանը նա նշել է․
«Ես ունեմ իմ աշխատանքային պարտականություններ և կարծում եմ, որ իմ պարտականությունները լավ անելով ես օգնում եմ իմ մյուս գործընկերներին, ովքեր ուղիղ առնություն ունեն Արցախի հետ կապված հարցերի հետ»։
