Պերուում հնագետները հայտնաբերել են 3000 տարվա վաղեմության միջանցք
Պերուում հնագետները հայտնաբերել են 3000 տարվա վաղեմության միջանցք, որին կոչել են «Կոնդորի անցուղի»։ Այս մասին հայտնում է Reuters-ը։
Նշվում է, որ Լիմայից մոտ 190 մղոն (306 կմ) հյուսիս-արևելք գտնվող Չավին դե Հուանտարին Պերուի մշակութային կարևորագույն կենտրոններից է, որի պատմությունը սկիզբ է առնում դեռևս մ.թ.ա. 1500-550 թվականներին:
Պարբերականը գրում է, որ միջանցքում հայտնաբերվել է 37 ֆունտ (17 կգ) կշռող մեծ կերամիկական սալիկներ։
Տեղացիներն այս վայրն ասոցացնում են հզորության և բարգավաճման հետ։Չավինները հայտնի են իրենց առաջադեմ արվեստով, որը հաճախ ներկայացվում է թռչունների և կատվազգիների պատկերներով:
Հաղորդվում է նաև, որ ըստ հնագետների՝ տաճարը դեռևս հետազոտության կարիք ունի, պետք է պեղումներ կատարվեն։
Նշենք, որ ՅՈՒՆԵՍԿՕ-ն 1985 թվականին Չավին դե Հուանտարը հռչակել է որպես համաշխարհային ժառանգություն:
