ՏԵՍԱՆՅՈՒԹ․ «Լիամասշտաբ պատերազմի 500 օր, Զմեինի կղզի, ազատ Ուկրաինայի ազատ կղզի»․ Զելենսկու գրառումը
Ուկրաինայի նախագահ Վլադիմիր Զելենսկին հարգանքի տուրք է մատուցել Զմեյնի կղզում ուկրաինացի հերոսների հիշատակին: Այս մասին տեղեկանում ենք պետության ղեկավարի թելեգրամյան ալիքից։
Նա սոցցանցերի իր էջերում կղզուց տեսանյութ է տեղադրել և գրել․
«Լիամասշտաբ պատերազմի 500 օր, Զմեինի կղզի, ազատ Ուկրաինայի ազատ կղզի»։
Զելենսկին նաև շնորհակալություն է հայտնել Ուկրաինայի զինված ուժերին և նշել, որ ազատագրված կղզին մեծ ապացույց է, որ Ուկրաինան կվերադարձնի իր տարածքի յուրաքանչյուր հատված։
«Ես երախտապարտ եմ բոլոր նրանց, ովքեր այստեղ կռվել են զավթիչների դեմ: Մենք հարգել ենք այն հերոսների հիշատակը, ովքեր իրենց կյանքն են տվել այս ճակատամարտում, որն ամենակարևորներից մեկն է լայնամասշտաբ պատերազմի ժամանակ»,- հավելել է նախագահը:
