ՏԵՍԱՆՅՈՒԹ. ՌԴ-ում հարբած աղջիկը գիշերը ներխուժել է ուրիշի տուն և մտել զույգի անկողին
ՌԴ-ում հարբած աղջիկը գիշերը ներխուժել է ուրիշի բնակարան, մտել զուգարան, հետո էլ` քնած զույգի անկողին: Այս մասին հայտնում է SHOT-ը, ապա հավելում, որ Նովոսիբիրսկում դա տեղի է ունենում այն դեպքում, եթե գիշերը մոռացել եք փակել դուռը:
Ինչպես պատմել է Տրոլեյնայա փողոցի բնակարանի տանտիրուհի Ուլյանան` գիշերվա ժամը մոտ երեքին անկողնում իրեն արթնացրել է անհասկանալի իրարանցումը։ Նա մտածել է, որ ընկերն է արթնացել, վառել է լույսը և անկողնում տեսել անկոչ հյուրին։
«Ամեն ինչ տարօրինակ երազի էր նման՝ անծանոթը ներկայացավ որպես Լերա, մլավեց և գուլպաները գցեց սեղանին»,- պատմել է զույգը։
Աղջկան մեծ դժվարությամբ դուրս են հանել բնակարանից. նա դիմադրել և վրդովվել է, ապա նշել, որ զույգը փչացնում է իր առավոտը:
Ոստիկանները ժամանել են, երբ գիշերային հյուրն արդեն հեռացել էր։ Ավելի ուշ պարզվել է, որ Լերան ապրում է այլ տանը, և այդ տարածք որպես հյուր է եկել։ Ընկերների խոսքով՝ աղջիկը ալկոհոլի հարցում չափն անցել է, քանի որ անչափ կարոտել է իր ընկերոջը, որը ծառայում է բանակում։
Ինքը՝ Լերան, հրաժարվել է բացատրել իր պահվածքի պատճառները։
