ՏԵՍԱՆՅՈՒԹ. Սաակաշվիլին միացել է դատավարությանը կլինիկայից և ցույց տվել, թե ինչ վիճակում է նա այժմ գտնվում
Վրաստանի նախկին նախագահ Միխեիլ Սաակաշվիլին փետրվարի 1-ից ի վեր առաջին անգամ տեսահոլովակով միացել է Թբիլիսիի քաղաքային դատարանի նիստին։ Լուսանկարներն ու տեսանյութերը հրապարակում են տեղի լրատվամիջոցները:
Սաակաշվիլին միացել է դատավարությանը Vivamedi կլինիկայից և ցույց տվել, որ շարունակում է նիհարել: Նա ամեն ինչում մեղադրում է իշխանություններին։
Նրա կողմնակիցները խոսում են նրա ծայրահեղ ծանր առողջական վիճակի մասին։ Իշխող «Վրացական երազանք» կուսակցությունը նախկին նախագահին մեղադրում է սիմուլյացիայի մեջ։
Դատարանը քննում է «Նոյեմբերի 7-ի գործը» 2007 թվականի իրադարձությունների վերաբերյալ, երբ անվտանգության ուժերը ցրեցին Թբիլիսիում բողոքի ցույցը՝ օգտագործելով ջրցան մեքենաներ և արցունքաբեր գազ։ Այդ օրը, ըստ տարբեր տվյալների, տուժել է 360-ից 600 մարդ։ Սաակաշվիլին մեղադրվում է լիազորությունները չարաշահելու մեջ:
