ՏԵՍԱՆՅՈՒԹ. ԱՄՆ-ից մեկնաբանել են Ֆրանսիայում տեղի ունեցած անկարգությունները
ԱՄՆ նախկին նախագահ Դոնալդ Թրամփի նախկին խորհրդական Ռոջեր Սթոունը հայտարարել է, որ Ֆրանսիայում ճգնաժամի պատճառն անխոչընդոտ ներգաղթն է։ Այս մասին նա գրել է իր Twitter-ում։
Ամերիկացի պաշտոնյայի խոսքով՝ Ֆրանսիայում անկարգությունները հնարավոր են դարձել իշխանությունների անհեռատես միգրացիոն քաղաքականության շնորհիվ։
«Նապոլեոնն այժմ շրջվում է իր գերեզմանում: Ահա թե ինչ է լինում, երբ թույլ ես տալիս անխոչընդոտ ներգաղթ դեպի քո երկիր»,- գրել է Սթոունը։
Կիրակի գիշերը Ֆրանսիայում անկարգությունների պատճառով ձերբակալվածների թիվը գերազանցել է 450-ը, BFMTV հեռուստաալիքի տվյալներով՝ իրավապահները բերման են ենթարկել 486 մարդու։
Ֆրանսիայում բողոքի ցույցերը սկսվել են հունիսի 27-ի երեկոյան Փարիզի Նանտեր արվարձանում ոստիկանների ձեռքով 17-ամյա դեռահասի մահվանից հետո։
Չորս օրվա ընթացքում ցուցարարները թալանել են ավելի քան 200 խանութներ, սուպերմարկետներ և բանկեր: Տուժել է նաև ծխախոտի շուրջ 250 խանութ։
