ՏԵՍԱՆՅՈՒԹ․ Ավանում «Honda»–ն բախվել է բեռնատարին, որն էլ վրաերթի է ենթարկել մայր ու որդի հետիոտների
Այսօր՝ հունիսի 30-ին, ավտովթար-վրաերթ է տեղի ունեցել Երևանի Ավան վարչական շրջանում։ Այս մասին հայտնում է shamshyan.com–ը։
Դեպքը տեղի է ունեցել՝ առավոտյան ժամը 10։25-ի սահմաններում, Բաբաջանյան փողոցում «Honda» մակնիշի ավտոմեքենան բախվել է առջևով ընթացով բեռնատարին։ Բախման հետևանքով բեռնատարն առաջ է ընթացել և վրաերթի ենթարկել փողոցը չթույլատրելի հատվածով անցնող մայր ու որդի հետիոտներին։
Նշվում է, որ վրաերթի ենթարկվածները տարբեր աստիճանի մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։
Վարորդները սթափության քննություն են անցել, նրանք եղել են սթափ վիճակում։
Իրավապահները պարզում են վրաերթի ենթարկվածների ինքնությունը։
