ՏԵՍԱՆՅՈՒԹ. Պրիգոժինի գլխավորությամբ «Վագներ» խմբավորումը հասել է Դոնի Ռոստով. ՌԴ-ում իրավիճակը լարված է
Ինչպես արդեն հայտնել էինք, «Վագներ» ռազմական խմբավորման և ՌԴ ՊՆ-ի հարաբերությունները լարվել են։
Պուտինի նախկին խոհարար, «Վագների» առաջնորդ Պրիգոժինը հայտարարել է, թե ՌԴ ՊՆ Շոյգուն որոշել է ոչնչացնել իր խմբավորումը։ Նա կոչ է արել մարդկանց ոտքի կանգնել ու վերջ տալ Շոյգուի «ամենաթողությանը»:
Պրիգոժինի գլխավորությամբ «Վագներ» խմբավորումը հասել է Դոնի Ռոստով, իր վերահսկողությունը հաստատել ռազմական օդանավակայանի ու ԶՈւ շտաբի նկատմամբ։
Պրիգոժինը հայտարարել է, որ իրենց գործողության նպատակն է կանխել ավիացիայի հարձակումը ուկրաինական ԶՈւ-ի փոխարեն «Վագների» վրա։ Ըստ նրա` ՌԴ ԳՇ ղեկավարը փախել է, երբ իմացել է «Վագների» մոտենալու մասին։
