Պենտագոնը 6 միլիարդ դոլարի սխալ է հայտնաբերել Ուկրաինային զենքի մատակարարումների հաշվարկում

ԱՄՆ-ը գերագնահատել է վերջին երկու տարվա ընթացքում Ուկրաինա ուղարկված զենքի արժեքը 6,2 միլիարդ դոլարով, ինչը ավելցուկ է ստեղծել, որը կծախսվի զենքի հաջորդ մատակարարումների վրա: Այս մասին  գրում է Rbc.ru` հղում անելով Associated Press-ին: 

Հաշվապահական սխալի մանրամասն վերլուծությունը ցույց է տվել, որ Պենտագոնի պահեստներից սարքավորումները հանելիս հաշվի է առնվել պահեստներ հասած փոխարինման արժեքը, այլ ոչ թե զենքերը: Այս ֆինանսական տարում սխալ հաշվարկներ են արվել 3,6 միլիարդ դոլարով, իսկ անցյալ տարվա սեպտեմբերին` 2,6 միլիարդ դոլարով:

«Դա պարզապես կվերադառնա այն դրամարկղին, որը մենք հատկացրել ենք՝ Պենտագոնի պահեստներից զենքի հետագա դուրսբերման և Ուկրաինա տեղափոխելու համար»-, պարզաբանել են գերատեսչությունում։

Հունիսի կեսերին Պենտագոնը հայտնել էր, որ ռազմական գործողության մեկնարկից ի վեր մոտ 40 միլիարդ դոլարի աջակցություն է ցուցաբերել Ուկրաինային անվտանգության համար, իսկ նոր գնահատմամբ՝ ԱՄՆ իրական օգնությունը կազմում է մոտ 34 միլիարդ դոլար, հայտնում է գործակալությունը։