ՏԵՍԱՆՅՈՒԹ. Պայթյուն և հրդեհ Ղրղզստանի նավթաբազայում. կան տուժածներ

Ղրղզստանի մայրաքաղաք Բիշքեկից ոչ հեռու գտնվող Շոպոկով քաղաքում նավթաբազա է հրդեհվել։ Տեղեկությունը հայտնում են ղրղզական լրատվամիջոցները։

Ականատեսների խոսքով՝ հրդեհից առաջ պայթյուններ են լսվել։

Երկրի առողջապահության նախարարությունից էլ տեղեկացրել են, որ հրդեհն առաջացել է ցիստեռնի պայթյունի հետևանքով, տուժել է չորս մարդ։ Նրանցից մեկին ծանր վիճակում տեղափոխել են վերակենդանացման բաժանմունք, երեքին` վնասվածքաբանության բաժանմունք:

Բիշքեկից սանավիացիայով բժիշկների բրիգադ են ուղարկել Շոպոկով։ Տեղում շտապօգնության երեք բրիգադ է աշխատում։