ԼՈՒՍԱՆԿԱՐՆԵՐ. Կախովկայի ՀԷԿ-ի վթարի պատճառը ստորջրյա թունելում տեղի ունեցած պայթյունն է. NYT
Ուկրաինայի Կախովկայա հիդրոէլեկտրակայանի վթարի պատճառը ստորջրյա թունելում տեղի ունեցած պայթյունն է: Այս մասին հայտնում է bbc.com-ը` հղում անելով New York Times-ին:
New York Times-ի խմբագրակազմը սեփական հետաքննություն է անցկացրել Կախովկա ամբարտակի աղետի պատճառների վերաբերյալ։
«Ամերիկացի և ուկրաինացի փորձագետների հետ հարցազրույցից, ինչպես նաև առկա բոլոր տվյալները (ներառյալ արբանյակային տվյալները և սեյսմիկ կայանների ցուցիչները) ուսումնասիրելուց հետո լրագրողները գալիս են այն եզրակացության, որ ամբարտակի պայթյունը տեղի է ունեցել ներսում, քանի որ դրսից հարձակումը աղետի չէր հանգեցնի։
Ավելին, պայթյունը, ամենայն հավանականությամբ, միտումնավոր է եղել: Այն տեղի է ունեցել կառույցի ամենախոցելի տեղում՝ թունելում, որը ջրի տակով անցնում է կայանի բետոնե հիմքով և տանում դեպի շարժիչի սենյակ։
Քանի որ կայանը կառուցվել է խորհրդային տարիներին, Մոսկվայում կան դրա մանրամասն գծագրերը, և նրանց օգնությամբ դժվար չէ գտնել խարխլման համար ամենախոցելի վայրը»,- ասում են լրագրողները։
