ԼՈՒՍԱՆԿԱՐՆԵՐ. Հրդեհ Ստեփանավանում. այրվել են արտադրամասի փայտե պատուհանները

Ստեփանավանում` կահույքի չգործող արտադրամասի 3-րդ հարկում, հրդեհ է բռնկվել։ Տեղեկությունը հայտնում է ՆԳՆ փրկարար ծառայությունը։

Լոռու մարզային փրկարարական վարչության ճգնաժամային կառավարման կենտրոնը Բաղրամյան փողոցի թիվ 155 հասցեում բռնկված հրդեհի մասին ահազանգը ստացել է ժամը 11:00-ին։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 11։20-ին, մարվել՝ 12։19-ին: Այրվել են արտադրամասի 3-րդ հարկի սենյակի (80 քմ) փայտե պատուհանները (մոտ 30 քմ) և տանիքի կառուցատարրերը (մոտ 12 քմ)։

[6c4e6f18c13512106b7692f9693bbe9e.jpg]

[b3d8d58de6270711805d90d1692865ad.jpg]

[ea884e43ba8d3d067d630bda7406723a.jpg]