Պուտինը խոսել է երկրի կողմից միջուկային զենքի հնարավոր կիրառման մասին
Ռուսաստանի Դաշնության նախագահ Վլադիմիր Պուտինը խոսել է երկրի կողմից միջուկային զենքի հնարավոր կիրառման մասին։ Այս մասին հայտնում են ռուսական լրատվականները։
«Այժմ Ռուսաստանի կողմից միջուկային զենք կիրառելու կարիք չկա։ Միջուկային զենքի կիրառումը տեսականորեն հնարավոր է, եթե վտանգ լինի Ռուսաստանի Դաշնության գոյությանը։ Ռուսաստանն ավելի շատ միջուկային զենք ունի, քան ՆԱՏՕ-ի երկրները, նրանք ուզում են, որ մենք կրճատենք դրանք», - ասել է Պուտինը:
ԱՄՆ նախկին նախագահ Դոնալդ Թրամփը ավելի վաղ խոսել էր Ռուսաստանի առաջնորդ Վլադիմիր Պուտինի հետ աշխատելու մասին։ Ամերիկացին նշել է, որ ԱՄՆ-ը ներկայումս ապրում է երկրի պատմության մեջ ամենավտանգավոր ժամանակաշրջանում՝ միջուկային զենքով պատերազմ սանձազերծելու հավանականության պատճառով։
