ՆԱՏՕ-ի զորքերի մուտքն Ուկրաինա անհնար է․ բացառվում է․ ԵՄ ռազմական շտաբի պետ

ՆԱՏՕ-ի զորքերի մուտքն Ուկրաինայի տարածք անհնար է, դա բացառվում է։ Այս մասին LCI հեռուստաալիքի եթերում հայտարարել է Եվրամիության ռազմական շտաբի պետ Էրվե Բլեժանը, ով նաև ուկրաինացի զինվորականների համար ԵՄ ուսումնական առաքելության հրամանատարն է։ 

Նրա խոսքով՝ Ուկրաինա ցամաքային զորքեր ուղարկելը նշանակում է դառնալ հակամարտության կողմ և պատերազմել Ռուսաստանի հետ։ 

«Ոչ ոք դա չի ուզում, ո՛չ ՆԱՏՕ-ն, ո՛չ Եվրամիությունը»,- ասել է Բլեժանը՝ հավելելով, որ դաշինքը հակամարտության կողմ չէ և չի դառնա։ 

Ինչ վերաբերում է ուկրաինական զորքերի հակահարձակմանը, ապա, ըստ Բլեժանի, դա չի հանգեցնի հակամարտության ավարտին, և Կիևի իշխանությունները չեն կարողանա վերադարձնել տարածքները։