Հայտնի է, թե Պենտագոնն ինչ չափի ռազմական օգնություն է հատկացրել Ուկրաինային պատերազմի մեկնարկից ի վեր
ԱՄՆ նախագահ Ջո Բայդենի օրոք Ուկրաինային հատկացվող ամերիկյան ռազմական օգնության ծավալը գերազանցել է 40,7 միլիարդ դոլարը, իսկ ռուսական հատուկ ռազմական գործողության սկզբից՝ 40 միլիարդ դոլարը, երեքշաբթի հայտնել է Պենտագոնը։
«Ընդհանուր առմամբ, Բայդենի վարչակազմի սկզբից ի վեր Միացյալ Նահանգները բանակցել է ավելի քան 40,7 միլիարդ դոլարի օգնության շուրջ՝ Ուկրաինայի անվտանգության ապահովման համար, այդ թվում՝ ավելի քան 40 միլիարդ դոլար… 2022 թվականի փետրվարի 24-ից»,- նշվում է Պենտագոնի հայտարարության մեջ:
Այսօր հայտնի է դարձել, որ ԱՄՆ-ն 15 Bradley հետևակի մարտական մեքենաներ և 10 Stryker զրահափոխադրիչներ է նվիրաբերում Ուկրաինային՝ որպես օգնության նոր փաթեթի մաս։
Ռուսաստանը նոտա է հղել ՆԱՏՕ-ի երկրներին Ուկրաինային զենք մատակարարելու պատճառով. Ռուսաստանի արտգործնախարար Սերգեյ Լավրովը նշել է, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։ ՌԴ ԱԳՆ-ն հայտարարել է, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային։ Կրեմլը հայտարարել է, որ Ուկրաինա Արեւմուտքից զենքի մատակարարումը չի նպաստում ռուս-ուկրաինական բանակցությունների հաջողությանը և բացասական ազդեցություն կունենա։
Լավրովը նաև հայտարարել է, որ ԱՄՆ-ն և ՆԱՏՕ-ն ուղղակիորեն ներգրավված են Ուկրաինայի հակամարտության մեջ՝ «ներառյալ ոչ միայն զենքի մատակարարումը, այլև անձնակազմի պատրաստումը... Մեծ Բրիտանիայում, Գերմանիայում, Իտալիայում և այլ երկրներում»:
