Իրանում պահապանների կորպուսի սպան սպանվել է զինված տարրերի հետ բախման հետևանքով
Իրանի Իսլամական հեղափոխության պահապանների կորպուսի սպա Սաջադ Ամիրին սպանվել է երկրի արևմուտքում զինված տարրերի հետ բախման հետևանքով։ Ինչպես հաղորդում է Tasnim-ը, այս մասին ասել է Քերմանշահ նահանգի քաղաքական հարցերով փոխնահանգապետ Ալի Շաաբանին։
«Քերմանշահի Իսլամական հեղափոխության պահապանների կորպուսի մարտիկների և զինված հանցագործների միջև քաղաքի ծայրամասային գյուղերից մեկում բախման արդյունքում սպանվել է Բասիջի սպաներից մեկը՝ Սաջադ Ամիրին», - ընդգծել է փոխնահանգապետը։
Նա հավելել է, որ աշխատանքներ են տարվում զինված հանցագործներին բերման ենթարկելու ուղղությամբ։
