««Վագները» Շոյգուի հետ պայմանագիր չի կնքի». Պրիգոժին
Պրիգոժինն ասել է, որ «Վագներ» մասնավոր ռազմական ընկերության անդամները ՌԴ ՊՆ-ի հետ պայմանագրեր չեն կնքի։ Այս մասին հայտնում է Подъём տելեգրամյան ալիքը:
«Այդ հրամաններն ու հրամանագրերը, որոնք Շոյգուն է կազմում, դրանք վերաբերում են պաշտպանության նախարարության աշխատակիցներին և զինվորականներին։ «Վագները» Շոյգուի հետ պայմանագիր չի կնքի:
«Վագներ»-ը համակարգում է իր գործողությունները աջ, ձախ գեներալների հետ, ստորաբաժանումների հրամանատարների հետ, ունի ամենախորը փորձը և բարձր արդյունավետ կառույց է», - մեջբերում է Պրիգոժինի մամուլի ծառայությունը։
Նա հավելել է, որ Վագները «բացարձակապես ենթարկվում է Ռուսաստանի Դաշնության և Գերագույն գլխավոր հրամանատարի շահերին» և համակարգում է իր բոլոր գործողությունները ու կատարում բանակի գեներալ Սուրովիկինի առաջադրած խնդիրները։
«Ի՞նչ կարող է լինել այս հրամանից հետո, մեզ զենք-զինամթերք չեն տա, երբ իրավիճակը լարվի վազելով կգան, զենք-զինամթերք կբերեն և «օգնություն» կխնդրեն», - ասել է Պրիգոժինը:
