Լեհաստանից՝ «Հյուսիսային հոսքերի» պայթեցման մեջ երկրի մասնակցության վերաբերյալ լուրերի մասին
Լեհաստանում հերքել են «Հյուսիսային հոսքերի» պայթեցման հետ երկրի կապի մասին տեղեկությունը։
Նախօրեին The Wall Street Journal թերթը հայտնել էր, որ Լեհաստանի տարածքն օգտագործվել է դիվերսիա իրականացնելու համար։
«Լեհաստանը որևէ առնչություն չի ունեցել «Հյուսիսային հոսք-1»-ի և «Հյուսիսային հոսք-2»- ի պայթյունների հետ։ Շատ ամիսներ շարունակ տարբեր տեսություններ և վարկածներ են տարածվել։ Դա հիշեցնում է տեղեկատվական աղմուկի մարտավարությունը, որի նպատակն է խեղաթյուրել իրադարձությունների իրական պատկերը»,-Twitter-ում գրել է Լեհաստանի հատուկ ծառայությունների աշխատանքը համակարգող նախարարի մամուլի քարտուղար Ստանիսլավ Ժարինը։
