ՏԵՍԱՆՅՈՒԹ. Իտալիայում միգրանտները փորձել են թուրքական նավ առևանգել

Իտալիայում միգրանտները փորձել են նավ առևանգել, երկրի անվտանգության ուժերն էլ հատուկ գործողություն են իրականացրել թուրքական դրոշի ներքո ընթացող Galata Seaways նավի վրա։ 

Հայտնում է Reuters գործակալությունը: 

«Բրինդիզիում տեղակայված իտալական հատուկ ջոկատայինները վերահսկողության տակ են վերցրել թուրքական նավը՝ անձնակազմի 22 անդամներով: Նավաստիների վրա հարձակվել են 15 միգրանտներ, որոնք գտնվել են նավի վրա, երբ այն անցնում էր Նեապոլի մոտով», - ասել է Իտալիայի պաշտպանության նախարար Գիդո Գրոսետոն:

Իտալական հատուկ ջոկատայինները ներխուժել են Թուրքիայից Ֆրանսիա ուղևորվող բեռնատար նավը այն բանից հետո, երբ դանակներով զինված մարդիկ փորձել են առևանգել նավը։ Ապաստան հայցողները՝ 13 տղամարդ և երկու կին, հիմնականում Սիրիայից, Աֆղանստանից և Իրաքից, ենթադրաբար գաղտնի ներխուժել են Galatea Seaways բեռնատար նավ՝ Եվրոպա հասնելու հույսով:

Գրեթե յոթ ժամ տևած ռազմական գործողությունից հետո հատուկ ջոկատայինները վերականգնել են նավի հսկողությունը՝ ըստ տեղեկությունների ձերբակալելով ենթադրյալ առևանգողներին: