Ադրբեջանի ԱԳՆ-ն՝ Վաշինգտոնում նախատեսված հանդիպումը հետաձգելու մասին
Ադրբեջանի ԱԳՆ խոսնակ Այհան Հաջիզադեն մեկնաբանել է Հայաստանի ու Ադրբեջանի ԱԳ նախարարների՝ Վաշինգտոնում կայանալիք հանդիպումը հետաձգումը։
Նրա խոսքով, Ադրբեջանի և Հայաստանի ԱԳՆ ղեկավարների բանակցությունների ամսաթիվը որոշելու նպատակով այժմ բանակցություններ են ընթանում։
«Հանդիպումը սպասվում է առաջիկայում»,- ասել է նա՝ հավելելով, որ որպես կանոն, այդ հանդիպումների համակարգումն իրականացնում է կազմակերպիչ երկիրը, հետևաբար՝ ժամկետները կհայտարարի ընդունող կողմը։
Հիշեցնենք, որ ավելի վաղ ՀՀ ԱԳՆ խոսնակ Անի Բադալյանը հայտարարել էր, հաջորդ շաբաթ Վաշինգտոնում նախատեսված Հայաստանի և Ադրբեջանի ԱԳ նախարարների քննարկումների հերթական փուլը հետաձգվում է ադրբեջանական կողմի խնդրանքով։
