ՌԴ Անվտանգության խորհրդի քարտուղար Նիկոլայ Պատրուշևը Մինսկում կմասնակցի Ռուսաստանի և Բելառուսի Անվտանգության խորհուրդների, ինչպես նաև ՀԱՊԿ-ի կազմակերպած միջոցառումներին։ 

Ինչպես հայտնում է ТАСС-ը, հղում անելով ՌԴ Անվտանգության խորհրդի մամուլի ծառայության հայտարարությանը, հունիսի 7-ին երկու երկրների գերատեսչությունների միջև խորհրդակցություններ կանցկացվեն։ Նախատեսվում է, որ Պատրուշևը կբանակցի նաև Բելառուսի պետքարտուղար Ալեքսանդր Վոլֆովիչի հետ։ 

Հունիսի 8-ին նախատեսված է ՀԱՊԿ երկրների Անվտանգության խորհուրդների քարտուղարների կոմիտեի նիստը։ 

Մայիսի վերջին ՌԴ Անվտանգության խորհրդի քարտուղար Նիկոլայ Պատրուշևը Բելառուսի Անվտանգության խորհրդի պետքարտուղար Ալեքսանդր Վոլֆովիչի հետ քննարկել է Միութենական պետության անվտանգության հայեցակարգը։ 

Ավելի վաղ ՌԴ արտաքին հետախուզության ծառայության տնօրեն Սերգեյ Նարիշկինը հայտարարել էր, որ Ռուսաստանի և Բելառուսի հարաբերություններն իսկապես դաշնակցային են։