Շոյգուն Կախովկայի ՀԷԿ-ի պայթյունը «ահաբեկչական հարձակում» է որակել
Ռուսաստանի պաշտպանության նախարար Սերգեյ Շոյգուն հայտարարել է, որ Կիեւի ռեժիմը ԿախովկայիՀԷԿ-ին հարվածներ է հասցրել, որպեսզի այդ հատվածում թույլ չտա ռուսական զինված ուժերի հարձակումը: Տեղեկությունը հայտնում է RT-ն։
Շոյգուն ուկրաինական գործողություններն անվանել է «ահաբեկչություն»։
ՌԴ ՊՆ նախարարի խոսքով՝ ՀԷԿ-ում տեղի ունեցած գործողությունները հանգեցրել են զգալի տարածքների ջրածածկման:
Հիշեցնենք՝ Հունիսի 6-ի առավոտյան Նովայա Կախովկայի ղեկավարը հայտնելէր ՀԷԿ-ի վրա հարվածների մասին։
Ուկրաինայի «Հարավ» օպերատիվ հրամանատարությունը հայտարարել է, որ Կախովսկայի ՀԷԿ-ը պայթեցրել են ՌԴ-ի զինված ուժերը: Իսկ ռուսական լրատվամիջոցները, վկայակոչելով Խերսոնի մարզի արտակարգ ծառայությունների ներկայացուցչին, ասել էին, որ ուկրաինական կողմից հարվածը հասցվել է, ամենայն հավանականությամբ, «Օլխա» համազարկային կրակի ռեակտիվ համակարգից:
