Մոսկվայում Բելգիայի դեսպանին վճռական բողոք ենք հայտնել․ ՌԴ ԱԳՆ
Ռուսաստանում Բելգիայի դեսպան Մարկ Միխելսոնն այսօր Ռուսաստանի ԱԳՆ է կանչվել։ Նրան բողոքի նոտա են ներկայացրել Բելգորոդի մարզում դիվերսիոն խմբավորումների կողմից բելգիական արտադրության զենքի կիրառման փաստերի կապակցությամբ։
«Հունիսի 6-ին Ռուսաստանի ԱԳՆ է կանչվել Մոսկվայում Բելգիայի դեսպան Միխելսոնը, որին վճռական բողոք է ներկայացվել մայիսի 22-ին Բելգորոդի մարզի տարածքում ահաբեկչական փորձեր կատարած դիվերսիոն խմբավորումների կողմից բելգիական արտադրության զենքի կիրառման բացահայտված փաստերի կապակցությամբ», – նշվում է հրապարակված հաղորդագրությունում։
ՌԴ արտաքին գերատեսչությունն ընդգծել է, որ Մոսկվան կոչ է անում Բրյուսելին աչք չփակել Կիևյան ռեժիմի կողմից ահաբեկիչներին աջակցելու մասին բազմաթիվ վկայություններին։
Դիվանագիտական ներկայացուցչությունը հավելել է, որ ահաբեկիչների թիրախ են դառնում խաղաղ բնակչությունը և ՌԴ քաղաքացիական ենթակառուցվածքի օբյեկտները։
