Մեզ թղթի վրա երաշխիքներ են պետք․ Զելենսկին՝ ՆԱՏՕ-ից ակնկալիքների մասին

Ուկրաինայի նախագահ Վլադիմիր Զելենսկին հայտարարել է, որ ակնկալում է Ուկրաինայի անվտանգության երաշխիքներ ստանալ Վիլնյուսում ՆԱՏՕ-ի գագաթնաժողովում։ Այս մասին նա հայտարարել է ճեպազրույցում։

«Դա մեզ թղթի վրա է պետք, որ ղեկավարներից մեկը նարատիվ չսկսի այն մասին, որ հանրությունը հոգնում է, տնտեսությունը հոգնում է, մենք չենք կարող համապատասխան ծավալներ տալ։ Ուստի մեզ թղթի վրա երաշխիքներ են պետք»,- աել է նա։ 

Ավելի վաղ Զելենսկին հրավիրել էր երկրի Ազգային անվտանգության խորհրդի արտակարգ նիստ՝ կապված Կախովկա հիդրոէլեկտրակայանի (Խերսոնի շրջան) ավերածությունների հետ։ 

Նովայա Կախովկայի վարչակազմի ղեկավար Վլադիմիր Լեոնտևը զգուշացրել է, որ ամբարտակի փլուզման պատճառով դժվարություններ կարող են առաջանալ Ղրիմ մաքուր ջրի մատակարարման հետ կապված։ Միաժամանակ նա հայտարարել է, որ Կախովկայի հիդրոէլեկտրակայանի ավերածությունների հետ կապված հնարավոր ամենասարսափելի արդյունքն անցել է։ 

Զելենսկին մեղադրել է ռուսական կողմին ՀԷԿ-ը ոչնչացնելու մեջ։