ԼՈՒՍԱՆԿԱՐՆԵՐ. Ստուգվել է «Պաշտպան հայրենյաց» ծրագրի շահառուների ֆիզիկական պատրաստության աստիճանը

Զինծառայողների ատեստավորման գործընթացի շրջանակում՝ հունիսի 6-ին, ԶՈւ ուսումնական կենտրոններում ստուգվել է «Պաշտպան հայրենյաց» ծրագրի շահառուների անհատական ֆիզիկական պատրաստության աստիճանը: Այս մասին հայտնում է ՀՀ ՊՆ-ն։ 

Զինծառայողները հանձնել են նորմատիվներ՝ ձգումներ պտտաձողի վրա, 100 մ վազք և 3 կմ վազք վարժաձևերից։

Հաշվի առնելով, որ ուսումնական պատրաստության փուլի ընթացքում խիստ ուշադրություն է դարձվել անձնակազմի ֆիզպատրաստության վիճակի բարձրացմանն ու տոկունության ամրապնդմանը, քննական այս փուլի պահանջները զինծառայողները հիմնականում կարողացել են հաղթահարել առանց դժվարությունների։

Քննությունների ակտիվ փուլն ընթացքի մեջ է։ Առջևում կրակային և մասնագիտական պատրաստության ստուգարքներն են։

[45e6c6f60c6af9538833c5bbbeb7d416.jpg]

[82dcaa3af4a3ccfc72d652e78655da9b.jpg]

[571251db194d0bc99642beb9fcc8204e.jpg]

[4fbfcd361772c5b0d5a0a99983f3ff7a.jpg]

[812060dc738042ccd8a9a1a73b9933b9.jpg]

[8608cc01b4bc2da2d10745222a2ab53f.jpg]