ՌԴ-ում կեղծ սիդրից մահացածների թիվն արդեն 16 է
Ուլյանովսկի մարզում կեղծ սիդրի կամ խնձորօղի թունավորումից տուծածների թիվն ավելացել է: Այս պահին հայտնի է, որ 16 մարդ է մահացել, ևս 35 մարդ թունավորման պատճառով հիվանդանոցում է: Տեղի իշխանությունները Ուլյանովսկի շրջանի բոլոր ձեռնարկատերերին կոչ են արել շտապ դադարեցնել ալկոհոլ պարունակող խնձորօղի վաճառելը մեծածախ և մանրածախ կետերում և հանրային սննդի կետերում:
Նշյալ կեղծ խմիչքից երկու մարդ է թունավորվել նաեւ Ուդմուրտիայում: Նրանց վիճակը գնահատվում է ծանր։ Քննիչները հարցաքնննում են Սամարայի շրջանից ձեռնարկատիրոջը, որն այս թունավորման գործով կասկածյալ է:
Ավելի վաղ տեղեկացրել էինք, որ մահացու թունավորում է եղել սիդրից ՌԴ Ուլյանովսկի և Սամարայի մարզերում: Քննչական կոմիտեն էլ հայտնել էր որ Սամարայի շրջանից գործարար է ձերբակալվել Ուլյանովսկի շրջանի բնակիչների սիդրից թունավորման գործով: