Թրամփը մեկնաբանել է Ջո Բայդենի ընկնելը
ԱՄՆ նախկին նախագահ Դոնալդ Թրամփը, մեկնաբանելով ԱՄՆ առաջնորդ Ջո Բայդենի ընկնելը Կոլորադոյի ռազմաօդային ուժերի ակադեմիայի շրջանավարտների շնորհավորանքի արարողության ժամանակ, ասել է, որ միջադեպը «ոգեշնչող չէ»։ Այս մասին հայտնում է Fox News-ը։
Հեռուստաալիքը նշում է, որ Թրամփը Բայդենի ընկնելու մասին իմացել է լրագրողներից, ովքեր խնդրել են նրան մեկնաբանել այս իրավիճակը։
«Իսկապե՞ս ընկել է։ Հուսով եմ, որ նա չի տուժել, նա պետք է զգույշ լինի»,- ասել է Թրամփը:
The New York Times-ը կարծում է, որ ԱՄՆ նախագահ Ջո Բայդենի ընկնելը ԱՄՆ ռազմաօդային ուժերի ակադեմիայի բեմում նոր հարցեր է առաջացնում նրա ֆիզիկական վիճակի վերաբերյալ։
Հիշեցնենք՝ ԱՄՆ նախագահ Ջո Բայդենը ԱՄՆ ռազմաօդային ուժերի ակադեմիայում ավարտական արարողության ժամանակ սայթաքել է և ընկել գետնին։
