«Մոսկվան հաշվի է առնում Երևանի դիրքորոշումը». Պեսկովը մեկնաբանել է Փաշինյանի հայտարարությունը
Մոսկվան ի գիտություն է ընդունում և հաշվի է առնում Երևանի դիրքորոշումը, որ Հայաստանը Ռուսաստանի դաշնակիցը չէ Ուկրաինայի հակամարտությունում։ Այս մասին այսիօր լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Սա կարևոր հայտարարություն է, մենք գիտենք, որ Հայաստանի մոտեցումներում կան որոշակի նրբերանգներ Ուկրաինայի շուրջ հակամարտության վերաբերյալ, մենք դրանք հաշվի ենք առնում, գիտենք»,- ասել է Պեսկովը։
Պեսկովը նաև ընդգծել է, որ իրենք շարունակում են զարգացնել հայեցակարգային դաշնակցային հարաբերությունները Հայաստանի հետ։
